Bu gecə mən öləcəm, qalmıyacam sabaha
Belə hicran gecəsi görmiyəcəm bir daha
Səni bu gündən bəri tapşırıram allaha
Gün gələcək ğururun gözlərindən axacaq
Mənə bu etdiklərin sənə çoxa baxacaq
***
Sabahadək cücərər məzarımın baş daşı
Qal yaşa sən dünyada iblislərlə yanaşı
Nanəcibin önündə tökdüyün o göz yaşı
Məni məzarımda da yandıracaq yaxacaq
Mənə bu etdiklərin sənə çoxa baxacaq
***
Bu gecə mən ölürəm əlim qalır yaxanda
Diksinməsin gözlərin gözlərimə baxanda
Asi rühum səksənib bədənimdən çıxanda
Bir tufan qopacaqdır, bir ildırım çaxacaq
Mənə bu etdiklərin sənə çoxa baxacaq
***
Nə müddətdir ürəyim əlində zindan çəkir
Zəli kimi bu sevgi damarımdan qan çəkir
Demirsən ki bu yazıq neçə ildir can çəkir
Sanırsanmı döşünə biri medal taxacaq
Mənə bu etdiklərin sənə çoxa baxacaq
"Rüstəm Fərzanə"